REMBULAN NINGGAL CRITA

wengi kang nyenyet ora ana cahya rembulan
ketutup mendung kang ngebaki langit
wernane peteng njinggleng ora padhang
swarane manuk kang nambahi nyenyet
ati gela kekubeng rasa mumet

rembulan kang dadi cahyane ndunya
ilang kesirep ora ana rupane
mripat menungsa namung plerak-plerok
padha ndheleng kahanan kang radi ruwet

wengi kang peteng njinggleng dadi cerita
sanak kadang kang lagi njagong
dayane menungsa lamun bisa dunga
supaya wengi kang nyenyet dadi njiglang
kena cahyane rembulan kang lagi kesirep

rembulan kang dadi cerita sanak kadang
tetep ora gengser saka panggenane
cahyane tetep ilang saking pandhelengan
menungsa kang kepingin ngerteni


Mei 2010